حير أفكاري:
غبت وحضر طيفك وشتت أفكاري
القلب قبل العين يقول وش أحواله
علم مزونك بهلتها تطفي لهيب ناري
وياناسي وخلاني خلوه يفتح جواله
في شوقي والوله لطيفه واصراري
نبض القلب والأنفاس هو راس ماله
غاب بكيفه ومادرى أنه من سماري
ياترى مثل مايرتاح بالي يرتاح باله
عتمة الليل كنها عجاج وغبار صحاري
تضيق أنفاسي لو ماهل علي هلاله
مدري نايم ولا صاحي ولا علي يداري
شوقه وهيامه بدلاله ودلعه وجماله
طاف وسيع العين كنه طير بداري
خافت الصوت وخيمت علي ظلاله
مالي غير القمر والنجوم زواري
أمني النفس بيها ولايظن تأخذ مجاله
هو اللي يوقع ويبصم وعنده قراري
بكل قصيد وهمس يزت علي شاله
ياريته يسرح ببستان قلبي ويجاري
غلا الروح والشريان والحشا مدهاله
لو وصله ينباع هالساعة ترى شاري
الثمن هو من يطلبه والسعر من خلاله
وش الرأي عندكم يظل البوح جاري
ولا أقفل كلامي لأجل يبان علي قاله
ساهر العين ولايغفى حالي وساري
الوصل بالروح والشريان هو وصاله
@عزالدين الحميري@
ليست هناك تعليقات:
إرسال تعليق