يحيى حسين 11 يونيو 2019

الوهم البعيد

كنت ليا العمر كله
كنت شمس لقلب عاشق
وكنت ضله
كنت ليل قلبي ونهاره
فرحة ضمت بالحضن قلبي
بعد طول انتظاره
حضن رجعله الامان
نساه غدر الزمان
حضن مليان بالحنان
قلبي داب في حضن قلبك
وكان سعيد
حلم معاه ببكره جاي
بفرح عيد
سمع منه احلى كلام
وداق معاه شهد الغرام
وراح بسرعة قوام ونام
ولما قام
جه ونداكي
ما لقاكي
لقاكي وهم ساكن بعيد
ساكن بعيد جوه الوريد
يحيى حسين 11 يونيو 2019