(تحية إعزاز وتقدير لمنتخب شباب اليد
للناشئين..........لحصوله على كأس العالم)
هي دي الرجالة
إللي تشرف بجد
بيلعبوا ببسالة
وبيوصلوا للمجد
خايفين على إسم مصر
حالفين يجيبوا النصر
رافضين طعم الهزيمة
وبهمه...............وبعزيمة
رافعين دايماً رايتها
بروح جامدة وعظيمة
تحية...........للجميع
إللي عاشقين بَلَدهُم
عُمر التَعَب مايضيع
ودي رسالة لولادهُم
وأهو جابوا أعظم كأس
بالجُهد....وبالاخلاص
يستاهلوا أجدع ناس
يكتر ويزيد أمجادهُم
هي دي الرجالة
إللي تشَرَف بجد
بيلعبوا ببسالة
وبيوصلوا للمجد
الشاعر /شرف الدين فاروق أحمد
ليست هناك تعليقات:
إرسال تعليق