ماتحكمش
ما تحكمش من عنوان
قبل ما تشوف المضمون
ما احنا ياما بنضحك
وألف دمعة في العيون
كتر الحضور بيجي
بعده غياب طويل
ما تحكمش وميغركش
كل جذاب جميل
شايف الدنيا دي اللي
بيزينهالك شيطان ملعون
ما جايز تبقى شايفهم
عاقلين وشايفينك مجنون
ما تحكمش قبل ما تعاشر وتقرب
ما تحكمش من بعيد لازم تجرب
كل العناوين جذابة
خلي حكمك بعد المضمون
ما تحكمش خالص
وقول يكفينا شر الظنون
ياما بيتكلموا عن الوفا
وهما ف ضهرك خاينين
ياما بيحسسوك بالدفا
عشان هما اللي بردانين
متعرفش اللعب في الخفى
اسكت كده وخلينا عاقلين
ما تحكمش ولو الكون صفا
ما تقولش مية على البنزين
الحب عنوان مضمونه اختفى
وهتحكم على مين ولا مين
خالد المنصوري
خالد المنصوري
ليست هناك تعليقات:
إرسال تعليق