عبدالمنعم عدلى..مصر
ليه يادنيا
حظى معاك
تملى كده
وخده بالك منى
هو مفيش فيك
إلا أنا
وأنا مخلوق
من طينك
ولا أنا مخلوق
من طينه تانيه
ليه يادنيا
قفله ببانك
وحراسك واقفين
على ببانك
ودخولك يادنيا
بالملابس الرسميه
وكأن الجرب
سارح في
مريض بالفقر
والفقر فيك
مرض الجرب
ليه يادنيا
كل ماأحلم
تصعب الحلم علي
واقفه أمامى
وكأنك عدو لي
ليه يادنيا
صولجان القوة
مع ناس تانيه
والهم نشيله
حتى ولو كان
لناس تانيه
مهو الفقير
شماعة لهموم الدنيا
ليه يادنيا
بتورينا المر
وأمر مافيك
الصبر على قسوتك
وحالك معانا مابيتغير
ليه يادنيا
كتبت علينا
العطش والجوع
والخوف من المستور
وإحنا اللى
حبناك حتى
والمستور فيك مكشوف
خلاص يادنيا
هنبعد عنك بعيد
ومصيرك محدود
وتحت التراب ونقول
ليه يادنيا
كتبت علينا المر
وعمرك قصير
وإنت ذى ماإنت
دنيا فانية
بقلمى عبدالمنعم عدلى
ليست هناك تعليقات:
إرسال تعليق