لازم تفتكر لحظه غروب
وزي مافيها غالب
والله فيها الف مغلوب
وزي مافيها الم
ساعات بتعيشها بالندم
اوعاك يتكسر جواك ضمير
طول ماانت ماسك القلم
هو يعني لازم تترسم
بلون سواد
ولا مشاعرك تتقسم
من بين سكات
ولا عشان تحس بوجودك
لازم تعيش لحظه ممات
هي ايه
كانت لحظه من غروب
ولا كانت حرف باهت
حس ساكت
قلب جامد
ذنب رافض انه يتوب
مش كل الالم محسوس
ولا كل الوجع مكتوب
بتوهميني باني واهم
وباني عادي
طب ياستي استريحي
حسي عادي
وقلبي عادي
حرفي مالهوش اي معني
كل شيء جوايا وهم
بتعلميني ازاي اكون
وازاي اعيش بره حدودك
وازاي اخون
بتفهميني بانك ملاك
وباني مجرد حفيد ابليس
وانت الطهارة
وانت الغلا
واني بالنسبه لك رخيص
بتعلميني ازاي اكون
حلم باهت
حرف ساكت
وهم كانه اتخلق كوابيس
احمد عبدالحق
ليست هناك تعليقات:
إرسال تعليق