ياصبا احساسي ولحن سنيني
ربيع غلاك دايم مزهر بالورود
نهر الحنين والشوق هو يرويني
من ذاك المبسم ويبان عالخدود
في كل لحظة وساعة تسأليني
ياترى لسه الوصل باقي والوعود
العين قبل القلب وهذا يقيني
طمني خفوقك درب الجفا موصود
بالهيام والشوق رهينك ورهيني
لاتسأل وتحتار ولك عندي زود
ميات وألوف والعدد ملاييني
في كل نفس ونبض القلب يزود
يبان لك بكل سطر شوقي وحنيني
يعتلي شموخ الجبال ويجتاز السدود
الله وهبني حرف واحساس عاطيني
لأجل تتهنى بوصفك وتظل مشدود
مسلوب الإرادة وكني ملكك وشاريني
الأصفاد شرايينك وأوتارك لي قيود
لايقول غيرك تراك تبالغ وأطرد ظنيني
مايهني وش يقولون المهم انت تجود
نثرت هالساعة ورودي ورياحيني
تعال عطر مبسمك بيها وصبها عالخدود
@عزالدين الحميري@
ليست هناك تعليقات:
إرسال تعليق