ساعة لما حسيتك بجد
ساعة لما رسمتك بحرفي
وفضلتك عن اي حد
ساعة لما قلت بانك حياتي
وكنت اروع ماكتبت
وانك اميرتي
وكل المشاعر اللي عندي
مهما كنت ومهما عشت
هتصدقيني
انك كنت حب عمري
وانك احلي مارسمت
يمكن اكون غلطان
اصلي في الاخر
طلعت نزلت انسان
حبة اكون عاقل
وحبة هدوء
والف حبة جنان
انسان ساعات يحزن
وساعات يحن
ولما يزهق
يتحاول الي حاله
حاله من النسيان
صدقيني بدون مبالغه
يمكن اكون غلطان
او يمكن غاوي
والغاوي هاوي
يرقص علي البركان
يمكن اكون نادم
علي كل شيء دوسته
احلام ومشاعر
احساس في يوم عيشته
اتولد هذيان
عهدتك في يوم هرجع
واديني كما وعدتك
بس جوايا مكسور
والحس مبقاش جواه شعور
حتي الاهه من جوه
مكتومه
والايام اللي فاتت
ذكريات ومردومه
والمشاعر اللي كانت
بقت اشباح ومرسومه
عندي سؤال
ياتري لما تفتكريني
علي روحي هتترحمي
ولا هياخدك غرورك
وبالعناد هتتجملي
اقولك نصيحه
اوهمي نفسك انك نسيت
وانك غفرت
وانك بحبي كفرت
جربي توهمي نفسك
جربي انك تستهبلي
احمدعبدالحق
ليست هناك تعليقات:
إرسال تعليق