🌹🌹فكرة🌹🌹
برسم حلمي عالفكرة وببعتها ليك
حتى عود احلامي ع الغيرة عليك
ولولا طيفك متعالي ما سوى هيك
رد لي من احلامي صبا الشباب
و كلما بتمنى عيونك لحن وإيقاع
تولع في قلبي اللهفة تبقى اوجاع
بعزة صمتي بندهلك تعال ارجاع
داوي النزف بجروحي لو بالرضاب
لاتقلي وقتي معبى وكتير مشغول
وماعندي خبرة عاشق درجة مقبول
بهزعروش المعمورة حسب الاصول
لأعمل منك قضية وادفع الحساب
روح دور ع محامي اعملوا توكيل
يخلي القلب بدقاتوا يرندح ويميل
لو كان في عندك رغبة تنشر غسيل
حمل نظرات عيونك كلمة وعتاب
سيطر لوكنك عاشق على الحلوين
على قلوب الحيارى و عالسهرانين
ولو عندك شك وريبة في القوانين
كلف قلبي بوزارة ومجلس نواب
ناصيف شرباجي /سوريا
ليست هناك تعليقات:
إرسال تعليق