غرامك محنه:
وش رايك تكون العين عقبال العين
السكوت أبلغ ونبض القلب لو ونّه
ياريم الغلا والشوق ونبض الوتين
يفز قلبي بخجل خده وضحك سنّه
حضر طيفك هالساعة وكلي رهين
لك وطوعك وبالك لايخيب ظنّه
شيدت لك بين حنايا الضلوع عرين
عرشك تدل مكانه ولك واحة وجنّه
ماغيرك تملك الروح وصرت قرين
للعين والقلب والحشا له صوت ورنّه
الود ودي تدوم هالحالة أعوام وسنين
مايمر النوم بعيني وعينك وهذي محنه
شبيه الحرب الضروس لاتهدا وتستكين
الراية البيضا مفقودة ولا بيها سلم وهدنه
لأجل تعرف غلاك وخلها حقيقة ويقين
اللحن من وتر قلبي وبيك طرب وغنّه
لو مر عليك غنى وشعر يكون حزين
تراه صوت شوقي لك وصل وتعنّه
يظل مستمر حرفي بين هيام وحنين
عليك تطفي لهيبه ولا ناطر ويستنّه
نبض القلب وشريانه انت له معين
بعد الله وعليك تغذيه وتزيد شحنه
من زود الغلا والشوق حالي يشين
خلي للوصل طريق ولايخيب ظنّه
@عزالدين الحميري@
غرامك ومنتهاك عندي:
غمض عينك وخلي طيفي يزمك
واسمع مع كل نبضة صوت غلاك
تخايل الايد تلفك وبدفاها تضمك
لأجل يرتاح بالك وتبلغ مشتهاك
يسلم من غنى لشيل همي وهمّك
وأنا عيني وقلبي وروحي تفداك
ياويل حالي من يخيم مبسمك
توت شامي وخد تفاح أحمر يزهاك
أنا حقيقتك بالحضور وبالغياب وهمك
يتلون حالك مني في ذبولك وصباك
حلفت حرفي في كل الأوقات يلمك
يازين حضورك وتضغط لايك يمناك
اسال روحك وقلبك وشريانك يعلمك
في كل وصل مني تزهر وتحلى دنياك
خلك واثق الخطوة ولايفتر حال عزمك
سكة شوقك وغرامك عندي ومنتهاك
هذا الشعور مانسيته وجيت أعلمك
سلمت القلب والروح تظل عندك ووياك
شهق حالي هالساعة ويتمنى يشمك
من قول الست عودت عيني على رؤياك
كل شي يتغير عليك وأبقى أراود حلمك
مثل ماتشوف االقمر والنجوم تلمع بسماك
اليوم الغنى والقصيد من يوم علمي وعلمك
الحنين والغرام دايم لك وحرفي معاك
لمتى تظل ساكت ترى تعبت من صمتك
تهل علي بهمس وبوح وتنام لو حرفي ناداك
شبت نار من الحشا وبان علي رسمك
صحت ربي الهمني الصبر ورحماك
@عزالدين الحميري@
سندي وازاري:
تشدني عينك وتكون سندي وازاري
في كل نظرة ونبض قلبك لي خطوه
اليوم تغير وصف الحرف وبان مساري
لأجل تنسى البعد ولاتظن عندي جفوه
ياللي تشب بالحشا جمر الغلا وناري
يتقلب الحال ولاتظن العين لها غفوه
شبيه اللي تايه بصحرا ورمل وغباري
يشوف بصيص الأمل والعين صحوه
زفير الشوق يعلى للصدر شلال مدراري
والشهيق دوم يداني ولاتصيبه هفوه
لاتخلي البعد حكم مستمر ويظل ساري
أدري هالحال يتعبنا وقلبك دايم عفوه
تريد تسمع وتشوف وش حالي وقراري
يسبح شعوري ببحرك ومعانيه صفوه
بركان الحنين هب وحمم حنين تجاري
زحفت هالساعة ولاتظن شي يوقفه
الحين وبعد لازم أبوح لك أسراري
الجفا والبعد يزيد همي ويشد قسوه
راح أسير العين والقلب من صوب داري
لأجل تقابل قلبك وعينك وتطلب رضوه
ماظل عندي كلام وراح يظل تكراري
ياأجمل من ملك قلبي بلحن وغنوه
@عزالدين الحميري@
الحكم قطعي:
تركت جوالي واشعلت شمعتي وصبيت
فنجان قهوتي وياريتك تعلم انت وتدري
خطر ببالي ومن ربي اطلبت وتمنيت
يخيم طيفك بجوي وأهيم بحلاك العذري
هالساعة بروحي لدارك طفت وسعيت
القلب يريدك وصار عندك وترك صدري
من ترياق مبسمك وقهوتي ترى شفيت
أنفاس ماتنوصف ولاعدت بحالي أدري
تمرجح غلاك بالضلوع وصحت وناديت
ياريم الشوق والغرام هيامك بالدم يجري
من زود شوقي خربطت والوسادة ضميت
هالحال يتكرر كل ليلة من حنينك يطري
يحتويك حرفي وعند أهل الشعر بيت
من قول خيم ظلك ولونه الزاهي وردي
في كل قصيدة كتبتها الحال معاك سميت
مايداني غلاك غيري والبوح لك فردي
رغم المسافة والبعد بيني وبينك طويت
كل الخطوات والطريق لقلبك هو نذري
أعلنت الحكم قطعي ومن قلبي قضيت
تكون انت الروح والقلب وغذاي وشربي
ياما من زلالك الصافي يابس العرق رويت
يظل في كل الفصول يانع ومخضر ويربي
ختمت القصيد لأجل يظل مستمر ونهيت
وصف شوقك وغرامك وغلاك بقلمي وسردي
@عزالدين الحميري@
نار الحنين:
تدري اني في غيابك وحضورك اشتاق
يهيم حالي والروح والمشاعر بخضبها
يانبض شرياني وحرفي ومنك الترياق
يالطولك فارع مثل النخل محملة رطبها
يسرح بالي ويتعدى المجال والآفاق
دنيتي انت غذاها وسلسبيلك شربها
كنت قبل غيرك تناجيني ولغيرك سباق
أنسى الزعل والمشاغل تزيل انت تعبها
قليل عليك قول ولهان وضامي ومشتاق
منازل الحشا والقلب انت أهلها وعربها
الليل وش حالتي بلا حضورك والفراق
العين تتلفت يمين وشمال وانت دربها
حنيت لك هالساعة ياحلو المبسم والمذاق
سبحان من عطاك هالميزة ولك وهبها
قهوتك تنعش القلب وتهيم الأشواق
طيبها من طيب انفاسك ويحلى مصبها
وش تريد تعبير بعد والروح لك تنساق
اشعلت نار الحنين وصعب تنتهي حربها
علموها ياناسي وخلاني النبض دفاق
يطلب حضورها والمنى أكون قربها
@عزالدين الحميري@
فلقة قمر:
ياويل حالي وقلبي من طيفك حضر
رفرف جناح الشوق وحطت رحاله
ياناعم الخد والحاجب وذاك النظر
يشدي نبض القلب والعين من خلاله
شبيه اللي ترك وراه بالصحرا أثر
ماظنتي يتوه عنه ويظل دوم بباله
رمش العين وصفاها كنه غيمات مطر
تشتاقها الأرض وترتوي من زلاله
ياللي تشوف هالوصف اقطع خبر
خلي مرتاح بالبوح وحرفي يحلاله
في كل حركة من حركاته فيها عبر
تظل تراود بالي ويرخي علي ظلاله
يازينها ساعة اللقا وولفي والسمر
يرتاح بالي في حديثه وأقواله
وقتي معاه والحديث مثل لمح البصر
يمضي بسرعة البرق ويظل عندي هلاله
ريمتي من زود الحلى معتوق الخمر
يسكر حالي والمنى يداني في وصاله
الحشا في غيابك يلب مثل الجمر
والحضور يطفي لهيب الحنين بشلاله
ذاك المبسم توت شامي وحلى التمر
طيب المذاق ويانع الثمر بزود غلاله
الشرود اللي يلف نظرته وعليه الأمر
كنه يقول مشتاق بس يتغنج بدلاله
الوصل دايم معاه ليل ونهار مستمر
قصر الشوق قلبي والضلوع عرزاله
النهاية ياناس محبوبي فلقة قمر
مايدانيه حلى وجمال وهو أدرى بحاله
@عزالدين الحميري@
عزف القلب:
عزف القلب واللحن منه مختلف وغير
في كل درجة وتقسيمة لها احساس
مايدانيه لحن البلابل ولاهديل الطير
ولايوصفه بوح الكمات ونبض قرطاس
في شرع الغلا طريق ماله نهاية سير
خطوة ورا خطوة بين خوف ووسواس
لحون الشوق والحنين لها صوت الخرير
يرتوي منها يابس العرق وينبت غراس
من يهل طيف المهرة النبض في هدير
ولمع العين مثل البرق صعب ينقاس
لأجل يعرف الغالي حالي والمصير
شديت مأزي هالساعة وربطت الراس
نبض حرفي مايحتاج بوح وتفسير
انت اللي تدري بيه ويميزك عن الناس
راح أكون بين قلبي وقلبك سفير
الحصانة مرفوعة وماعليها حراس
يسمع الأطرش ويشوف الضرير
نبض حرفي وكلماتي لهم نبراس
كل اللي غنى ولحن مايعرف يشير
لك عندي غيرهم في الفرح والباس
شبيه طير الحر في السما من يغير
بشوف صيد ثمين يصيده ويحتاس
وش تريد بعد تشبيه وتطلب تعبير
عسى كفيت بغلاك ولاحرفي خاس
@عزالدين الحميري@
حساب غلاك:
من اليوم ماعاد الشوق لك نقدي وكاش
راح يكون تقسيط مريح لأجل تشوف
شبيه اللي يدور نبضات بغرفة الإنعاش
في كل نبضة حياة تنعش القلب والجوف
غريق في بحر غرامك والحنين لو فاش
كل خلق الله يشوفونه واضح ومكشوف
لايكون الجفا منك بعيد وعني ينحاش
شمس وصلك نورها يطوي الخسوف
مايهمني كلام العذول ولا كلام الواش
خلك مثلي واثق وأطرد عنك الخوف
جمر الغلا ياريمتي للحشا ترى نهاش
مثل الحطب تاكله النار وبيه تلوف
يازين من يحضى بالوصل وعاش
يداني بساتين الغرام وينال القطوف
عندي لك غلا يهل عليك رشراش
في كل قطرة مكتوب بيها ملهوف
يسموني أهل الشعر حايش وقشاش
شوقك وغلاك في كل الأحوال والظروف
ترى حالة اعترتني ويمكن شعري طاش
بس عبرت باللي صال ببالي من الحروف
النهاية البوح من القلب ماظنتني غشاش
حالي ماهو وحيد وحال مئات وألوف
@عزالدين الحميري@
جو الوصل:
يازين جو الوصل فيه القلب هايم
سماه الغرام وشاطيه شوق وحنين
طير الهيام في كل كلمة وشطر عايم
يرفرف بجناحه وماظنتي يستكين
الحال بين فتور والشدة في العزايم
ينبض الشريان وتسمع لحن الوتين
هذا الشعور يراود الخيال ودايم
لأجل يزيح عتمة الليل ولايبقى رهين
ياهنا وسعد خلن نال طيب الغنايم
من ريمتن طيفها يهل في كل حين
مثل حبات المطر في الجو الغايم
وحال يابس العرق يتمنى من سنين
في بعض الأحيان الحرف صايم
بس العين ترقب والقلب له مدين
لاتظن في هالحال يصيبنا هزايم
الغالب والمغلوب كسبان وهذا يقين
هيب رياح الشوق وكلها طيب نسايم
انت اهلها وناسها وعطر البساتين
@عزالدين الحميري@
ضمة يسار ويمين:
ذاك الشوق يضمه اليسار واليمين
ساهر العين والقلب ينبض وتينه
هذا البوح من الحشا وكله يقين
ماأريد قول يتعب الحال وياشينه
دايم الوصل ساعات وأعوام وسنين
يهب مع كل شوق ويكبر حنينه
شامخ ومتعالي شبيه سور الصين
ذاك الغرام اللي بين قلبي وبينه
مايدري جفاه يخلي حالي حزين
الحكم هو نبض قلبه ورمش عينه
شرع الغرام صادق وحبله رصين
خليت هذا العهد بالوجه وجبينه
العين تشوفه والقلب يضمه والجبين
صك وميثاق انكتب قبل مايولد جنينه
يمكن يكون بالوصل معاه شح وتقنين
الظرف أكبر مني ومنه وأظل رهينه
خلوه يتطمن ويرتاح البال والوتين
غلاه متأصل بالحشا ويظل يقينه
ملك القلب وكلي طوعه ورهين
قلبه وحشاه ولاراح أقصر بدينه
مديون معاه والخسارة مالها معين
غير رضا الله ورضاه ويطرد ظنينه
ماأريد منه شي غير القلب يستكين
من يداني مجلسي وألمس ايدينه
مرتاح البال والسعادة صوت ورنين
صوته ونبرة كلامه قلبي يطريه ويلينه
@عزالدين الحميري@
مركب غلاك:
شد مركب غلاك وهل شراعه
يهفف شعرك ويطوف ببالي
ودي شوف عيونك والفضاعه
مع كل ريح يخفيها ويتعب حالي
يبري ويسل مثل اللي بمجاعه
وينتعش ويتقوى من شوف الزلالي
ياكبر غلاك عندي بحجمه وصاعه
كثر الشوق والحنين بجو يصفالي
سر يداعب خيالي وعندك قاعه
متأصل وجذروه تظل بمجالي
ذاك الحلى والجمال ماودي ضياعه
لاسديم وغيم وعجاج تبعده من مجالي
هذا البوح كتبته لك في بلحظة وساعه
لأجل تشوف حنين وشوق علي ينهالي
حقيقة غلاك يقين وثقة وكلي قناعه
انت تدري بيها وتقول هذا اللي يحلالي
وان سالوك غذالك قول هذي اشاعه
لايصيبون محبتنا بالعين وحسد وقالي
يازين ذاك الحضور بريمن وذراعه
يخفي جماله وأظل مشتاق لغلالي
شبيه الحال ماتشبعه سنين رضاعه
الفطام ممنوع والشوق لايظل خالي
يفز من طاريك القلب ونبضه واسراعه
يتسابق مع كل نسمة تخيم لك ظلالي
ياكبر شوقي لك والوصل واختراعه
الحجة حاضرة عندي ويزود دلالي
بالله عليك هالكلام خله عندك وداعه
ضمه بحشاك وقلبك بقول تكرم يالغالي
حان ختام الحرف مثل حصاد الزراعه
لأجل يستمر محصولك مثمر ومتوالي
@عزالدين الحميري@
نهاية البوح والكلام:
قبل كل شي ونهاية البوح والكلام
شوف بعينك وانصت لحرفي دقيقه
الغلا والشوق مايحتاج اشارة وعلام
ينساب نسميها للقلب وتظل رقيقه
مرات تكون صايبة هدفها مثل السهام
تستقر بمرماها وصعب تظل طليقه
هذا حال الوصف بين شوق وغرام
ياهنا من سعى للوصل ونال تحقيقه
وشلون لو شدو خلاني وهدو الخيام
ياشينها من ساعة حزن وكرب وضيقه
نسيت ابتدي بقول هلاوغلا بعد سلام
حار الفكر والبال وعساه مانسى طريقه
يمكن من زود الشوق والحنين بعد صيام
لبت نيران الحشا والقلب يدور رفيقه
يرفرف جناح الشوق ويحلق مثل الحمام
صوب ديرت خلي والمنى يرتوي ريقه
ماظنتي من طلب الوصل يتعب وينظام
مادام ريمته تطلب وصله وحالها غريقه
يالله ويازين ساعه الصفا كلها حب ووئام
المعاني والأفعال صادقة ولهفتها عريقه
يظل الحنين صبح وليل والوقت مستدام
يشرق مع الشمس وبالليل نجم يبان بريقه
حنايا الضلوع تستنفر ونبض القلب بقيام
يسري مع الدم والأنفاس تطلب رحيقه
مايداني شعري كاتب وشاعر ولو بالأحلام
يدور الهند والسند ويمل تغربيه وتشريقه
صعب يباري غلاك عندي وخدك ريش انعام
ياللي شبيهك صلة النحر بالثوب وزيقه
لاتظن أدور مدح وشهرة شهور وأعوام
مايهمني غير نظر عينك وكفك وتصفيقه
نقشت الوفا عالجبين بصحوك والمنام
لين تفارق الروح الجسد والعلاقة لصيقه
خلك مع قلبي ولك مني يابن الكرام
غلا ماشافته عين ولابوح شقيق لشقيقه
@عزالدين الحميري@
ياعساه عيدكم سعيد:
وحق فالق الحب والنوى وخالق الطير
والحيوان والثمر والجان والإنساني
ياعساكم نلتم جوائز شهر الصوم والخير
دعوة لله قبول وأجر وعتق من النيراني
هذا العيد واللي قلبه وبعده حالي غير
غايب ظل أمي روحي وقلبي وشرياني
المنى من القلب بلدي وناسي وهلي بخير
حفظ الله ورحمته تعم البلاد والأوطاني
فاحت رياح المحبة عبقها مسك وعبير
تعم الأفراح وتطرد الهموم والأحزاني
شديت هالكلام من الحشا وحالي مرير
وشلون عيدي خالي من هلي وأخواني
هذا حال الكل ولاهو حالي وأستجير
بالله يلتم شمل الأحبة من قلبي ووجداني
آهات من الحشا تسمع لها شهيق وزفير
حسرة وندامة وشوق لقى ولحن المحاني
غير الله عالم بالحال والكل بيه يستجير
يتبدل الحال وتشرق شمس الأماني
ماردت يكون كلامي حزين وهذا المصير
يتكرر في كل الأيام ولايكون شاني
@عزالدين الحميري@
الروح لك غدى
سحرك يعتريني من لمس الإيد بالإيد
والطيف حاضر معاي والروح لك غذى
اليوم وغير كل يوم لك عندي جديد
مايختلف بوحي وتسمع له انت صدى
هذا اللي يسمونه أقرب من حبل الوريد
عند غيرك بعيد وصعب يوصل المدى
أرجع في صحوي ومنامي الكلام أعيد
ولايروح الشوق والحنين هبا وسدى
الروح طوعتها لأجل تكون ساعي بريد
ترخص لغلاك ولروحك قربان وفدى
زفرات وآهات والأنفاس كلها تنهيد
الجسد ناحل وكنه شبيه صريع الردى
ماني زعلان ومهموم وتراني سعيد
علم قلبك هالاحساس وابعد اللي بدا
نار الحشا من تشتاقلك تفل الحديد
دخانها وريحها كلها طيب وعطر وندى
وش أوصف وأكتب عن حالي وتريد
انت اللي تلهمني وحالك بحالك غدا
@عزالدين الحميري@
ربيع عمري:
هذا اللي في خاطري ودوم مناي
الحشا مدهالك والقلب هو منزولك
يانسيم الصيف العليل ودفا شتاي
شمس نهاري وقمر ليلي بوصولك
زهر حياتي وساقي عطشي وضماي
يابس العرق دوم يشتهي حلولك
تعال داني مجلسي واطلب رضاي
دقت ساعة الشوق وبان لي مدلولك
يامؤنس حالي وزايح همي وشكواي
ماغيرك يسعد حالي بكلامك وفعولك
انت اللي سميتك مسعفي وقضاي
تخايل طيفك والمنى مايغيب زولك
حتى في تعبي وهمي وحزني وبلواي
يظل ذاك المبسم يريح بالي ومدلولك
ربيع عمري دايم بوصلك وهو صباي
لاتظن مقصر معاك وغايتي هي نولك
تدلل وأفرح من كلامي ونور سماي
ياريم الغلا والحلى من تفرد طولك
معذور لو غبت عني ولاتطلب رضاي
لأجل أظل مشتاق وهايم في أفولك
كتبت قصيدي وشديت في خطاي
عسى تكون صاحي وتعجل في هلولك
مدري أصبت في تعبيري ولا سلواي
خلت البال يكتب والقلم هو رسولك
@عزالدين الحميري@
صدى صرخة:
في كل يوم أوصف معاك الحال
عين ساهرة ونبض القلب والشوق
شبيه السحاب من تحمل غيم ثقال
قطراتها تداني الأرض وخير تسوق
يابس العرق يرتوي من مايها الزلال
يحتضنها مثل الأم لويدها بكل رفوق
في كلامي وبوحي أدور غاية ومسآل
وصل منك دايم وكله واجبات وحقوق
ماراح أناديك ولا تنطلق كلمة تعال
خلي عينك تناظر ونبض قلبك خفوق
يتل حرفي شريانك وينبض الدلال
شلون لو جمر الحشا يشب وشد العروق
مواسم الغلا كلها عرايش هيام وغلال
مالها ثمن ولاهي سلعة تبناع بالسوق
بان علي جمال ريمتي وخيم ظلال
قمر ضاوي وشمس الضحى بالشروق
لحن الغرام شديته من قول طلال
ترحل صرختي والصدى له جو وطوق
ياناعم الخد والحاجب قوسه هلال
يانظر عينك من يداني يلمع كالبروق
خلي غيري وغيرك يجرب ويختال
مايحس لين يجرب والطعم يذوق
@عزالدين الحميري@
صدى صرخة:
في كل يوم أوصف معاك الحال
عين ساهرة ونبض القلب والشوق
شبيه السحاب من تحمل غيم ثقال
قطراتها تداني الأرض وخير تسوق
يابس العرق يرتوي من مايها الزلال
يحتضنها مثل الأم لويدها بكل رفوق
في كلامي وبوحي أدور غاية ومسآل
وصل منك دايم وكله واجبات وحقوق
ماراح أناديك ولا تنطلق كلمة تعال
خلي عينك تناظر ونبض قلبك خفوق
يتل حرفي شريانك وينبض الدلال
شلون لو جمر الحشا يشب وشد العروق
مواسم الغلا كلها عرايش هيام وغلال
مالها ثمن ولاهي سلعة تبناع بالسوق
بان علي جمال ريمتي وخيم ظلال
قمر ضاوي وشمس الضحى بالشروق
لحن الغرام شديته من قول طلال
ترحل صرختي والصدى له جو وطوق
ياناعم الخد والحاجب قوسه هلال
يانظر عينك من يداني يلمع كالبروق
خلي غيري وغيرك يجرب ويختال
مايحس لين يجرب والطعم يذوق
@عزالدين الحميري@
زم طيفي:
زم طيفي بكل حواسك وابعد غيابي
وخلي راح ايدك علي رقة واحساس
ياملهم حرفي وكل صفحات كتابي
خله عندك يقين وأطرد الوسواس
ماأريد تشوف في الهمس عتابي
لأجل يظل بالك مرتاح ومنه تحتاس
دايم حاضر لك السؤال وجوابي
يبان من طيب حضورك والأنفاس
وصيت نبض قلبي يظل منسابي
احساسك هو عنوانه وله نبراس
بين الضلوع شيدت لك قفل بابي
مفتاحه بايدك وغلاك هو المتراس
ياربيع الوصال في حلاك وشبابي
مزهر ومخضر ويانع العرق والغراس
ذاك المبسم يجلي سواد الليل وضبابي
مايدانيه غيري والوصف عنده ينقاس
سهادي ووجدي ولوعتي واكتئابي
ماغيرك يجليها من قلبي والراس
ردت تشوف غلاك مثل اللثة والنابي
متعلقة مع بعضها ولها جذر وساس
ريمتي ولا مهرتي وبالحالتين سابي
بوحي ومعاني أبياتي وأغلى الناس
ساقي شوقي وهيامي وضما رضابي
يظل عالق بفكري وبالي مثل طيب الفاس
@عزالدين الحميري@
ليست هناك تعليقات:
إرسال تعليق