أنا وياك
.......................................
بعدي أنا وياك
كل ليلة يومية
برفقة النجمات
والنسمة الهنية
منضحك لأجمل همس
بصحبة ليالي الأنس
متل القمر والشمس
حتى الصبحية
...................
بعدي أنا وياك
والشوق يا غالي
منسرح مع الأحلام
ونعلي بالعالي
منوصل لأبعد نور
ومنبني أحلى قصور
منرفرف ومندور
عجناح الليالي
....................
قلتلي إنتي النور
والضحكة الهنية
وغرد لنا الشحرور
وزين السهرية
وهديتني إسوار
وباقة ورد تذكار
والقلب رف وطار
وتغزلت فيي
.....................
بشوفك بنور الشمس
عجناحها العلوي
زهور وسنابل قمح
عم تلمع وتضوي
نهر وغدير ومي
وواحات كلا في
وورود من نسرين
جمالها بيغوي
........................................
د . ملك محمود الأصفر
شوق
.......................................
لعل الله يأذن بالتلاقي
غداة غد فقد هاج اشتياقي
كتبت وصيتي وحزمت أمري
وودعت القريب من الرفاق
وأعددت الحقائب والمطايا
وكفكفت الدموع من المآقي
وأزمعت الرحيل كمن تعنى
جواز البيد بالخيل العتاق
لعل الله يمحو كل بؤسي
ويشفي جرح قلبي واحتراقي
ويختم بالمنون حنين روحي
إلى لقياك من بعد الفراق
........................
أحبك يا منى عيني ومهما
كبرت أجن شوقا للعناق
أحبك إن حبك في فؤادي
لأوجاعي ووجدي خير راق
فيا قمرا أضاء ظلام عمري
وغاب فغاب عمري في المحاق
ألا يرضيك أني كنت عبدا
لأمر هواك مشدود الوثاق
أما أقسمت أن الهجر أمر
محال بيننا والحب باق
فكيف تركتني فردا وحيدا
أجرع مشربا مر المذاق
أحبك ما عشقت سواك يوما
فقبلك كان زعما كالنفاق
وبعدك صارت الدنيا جحيما
شديد الهول يأخذ بالخناق
........................
تحملت الأسى دهرا طويلا
وقد بلغت بي الروح التراقي
أداري عن عيون الناس وجهي
وأرقى هاربا صعب المراقي
وأذرف دمعتي من فرط قهر
بقلب الليل والسبع الطباق
وأنشد غصتي في الحلق شعرا
وهل تغني البحار عن السواقي
............................
هجرت الخلق يختصمون حرصا
ويقتتلون في حمى السباق
على سقط زهيد أو سباخ
من الأهوار في أرض العراق
وودعت الشباب إلى مشيب
وهل يقف البعير مع البراق
فكيف أحوز في المضمار سبقا
وهذا الدهر أوهن عظم ساقي
ولكني على ثقة بأني
سيجبر خاطري فور انعتاقي
ويقضي الله إذ يقضي سريعا
بجمع الشمل في يوم المساق
.............................
أطلي يا منى روحي غروبا
فركبي قد تهيأ للحاق
............................................
بقلم زوجي وليد الأصفر
يا أم الخد الخمري
.................................
قال لي
...........
يا أم الخد الخمري
وعيون نعاس
بلحظ عيونك جننتي
أعقل هالناس
ولما طليتي علينا
بقد المياس
سحرتي القلب وحركتي
فينا الإحساس
....................
يا أم الشال الوردي
فوق الأكتاف
بحسنك والله تجاوزتي
كل الأوصاف
لما مرقتي بالساحة
غار الصفصاف
والجوري هفهف عطرو
وضحكت لشفاف
......................
لما همستي بكلماتك
غنى الوروار
والشمس صارت عنا
بتضوي أكتر
والياسمينة رقصتلك
بأرض الدار
وصارت هالدنيا حلوة
وزهر نوار
................................
د . ملك محمود الأصفر
بدنا نطلع عالقمر
...............................
قال لي
...........
يا حلوة لمسة إيدك لما بتمسح
فوق جبيني بتنعشني وبشعر مرتاح
إيدك متل اليسمينة بعطرا الفواح
بتشفي قلبي بتحييني وبطفي النار
.............................
خليكي دوم قبالي تا ناغيكي
واتغزل بي عينيكي وإسرح فيكي
قلبي صاير مجنونك دايب فيكي
يا وردة ويا جورية عليكي شو بغار
.............................
يا أم الشال النهدي مين متلك مين
يا زينة هالسهرية وقمر بتشرين
جاي ولعيونك جايب عقد اليسمين
وبدي إكتب لعيونك أجمل أشعار
..............................
أنا لما بسمع صوتك قلبي بيطير
وبيرفرف متل فراشة ومتل عصافير
يلي كلماتك حلوة وصوتك حرير
ومن سحرك خجل الدوري وطير الوروار
..............................
يا أم جبين العالي وعنقك بلور
وطولك من طول النخلة ومن شجر الحور
حطي إيدك بإيدي وخلينا ندور
ونعمل أحلى سهرية وأجمل مشوار
................................
بدنا نطلع عالقمر وفوق لنجوم
وفوق النسمة السحرية نركب لغيوم
ولما بيطل الصبح ويغلبنا النوم
رح غفيكي بعينيي يا ست الدار
..................................................
د . ملك محمود الأصفر
الأمن والسلام
............................
حلو أن نبقى بأمان
لاظلم لا غدر زمان
أن نبقى دوما إخوانا
نبعد عن كل الأحزان
حلو أن نبقى كشموع
نزرع في القلب الإيمان
من غير نزاع وحروب
ونعيد بناء الأوطان
.....................
حلو أن نحيا بوئام
نبعد وسوسة الشيطان
ونقدس أعمال الخير
للغير نجود بإحسان
ونعلي رايات الحق
كي يبقى العدل بميزان
ونشيد صرح محبتنا
كي يعلو فوق البنيان
......................
حلو أن نبقى بسلام
نطفئ ألسنة النيران
ونحب جميع طوائفنا
نحترم جميع الأديان
بالفكر نرقى وبالقلم
نكتب تاريخ الإنسان
ونقدس حبا جامعنا
ونسبح رب الأكوان
.................................
د . ملك محمود الأصفر
أتذكر
..........................
أتذكر دفء ليالي السمر
بقينا طويلا بنور القمر
أضمك بالزند تحت النجوم
وما كان غير حفيف الشجر
أتذكر كيف مشينا طويلا
إلى أن تعبنا ومل السهر
وجاء الصباح يطل علينا
بطيف جميل ونور ظهر
.......................
وكنت بعيني بدري وشمسي
وسحرا أوان الصباح انتشر
وكنت نهاري وبهجة عمري
كما الغيث يهمي فيحيي البشر
وفي الليل كنت مدامي وكأسي
وحلما جميلا أوان السحر
ولكن هذي الحياة سراب
وكل سرور رهين القدر
..........................
د . ملك محمود الأصفر
خيي حبيب الروح
..................................
خيي حبيب الروح
يا وردة جورية
فايح شذاها دوم
عابكرة وعاشية
إنت نبض هالقلب
يانور عينيي
وإنت يا أحلى بوح
عشفافي غنية
..................
يلي أنا وياك
ربينا بنفس البيت
ولعبنا يوميات
وأسراري إلك حكيت
لو مرة عني غبت
بشعرأنا حنيت
خيي يا أحلى خي
متلك أنا مالأيت
......................
بدعي لرب الكون
تبقى من الأبرار
يبعد عنك السوء
ويحميك من الأشرار
خيي يا أطيب خي
يازينة السمار
إنت السند والعون
وإنت قمر هالدار
..............................
د . ملك محمود الأصفر
هل سمعت
.......................................
هل سمعت يا حبيبي
صوت زهر الياسمين
إذ يقول في الصباح
أزهر الدر الثمين
...................
هل سمعت بنقاء
صوت عصفور الكنار
إذ يقول للمراعي
جاءنا نور النهار
..................
هل سمعت صوت نهر
يجلب الماء النمير
ويقول بسلام
هذا من خير القدير
................
هل سمعت صوت سهل
باسم عند الصباح
إذ يقول للأنام
هيا قوموا للفلاح
..................
هل سمعت صوت ناي
يعزف بين الورود
و يقول للفيافي
إسمعي صوت القدود
..................
هل سمعت يا حبيبي
صوت نسمات الهواء
إذ تقول للغيوم
وزعي خير السماء
....................
هل سمعت صوت قلب
خاشع لله عابد
إذ يناجي الرب ليلا
داعيا وسط المساجد
..................
هل سمعت صوت حب
نابض مثل الحرير
يصدح عبر الفضاء
جودوا بالخير الوفير
..................
هل سمعت صوت زند
يطرق باب الكريم
يبتغي قوت صغار
يقتفي هدي العظيم
...................
هل سمعت صوت جرح
غائر بين الضلوع
فمددت يد عون
ماسحا بعض الدموع
.....................
هل سمعت صوت ذل
ينعق مثل الغراب
فهرعت كالنسور
كي تعزي في المصاب
......................
هل سمعت صوت حزن
حز قلبا من حديد
فأثرت في أخيك
فرحة عيد سعيد
......................
هل سمعت صوت ظلم
صاح في وجه الخطر
أن أفيقوا من سبات
واعدلوا بين البشر
....................
هل سمعت صوت كون
يعزف لحن الخلود
ويقول في سلام
سبحوا رب الوجود
......................................
د . ملك محمود الأصفر
قلبي ميت فيكي
....................................
قال لي
..........
يا حلوة صرلي قاعد من قبل الفجر
عما بكتب لعيونك قصايد شعر
بدي قدملك ياهن جزء من المهر
وجمع كل الصبايا عنا بالدار
.......................
يا حلوة دخلك قلبي ميت فيكي
وصرلي شهرين بحاول تا حاكيكي
قوليلي دخلك قولي شو بيرضيكي
تا تحني علي شوية ويضحك نوار
........................
شفتك جايي لعنا يا ست بدور
اقطفتلك باقة كبيرة فل ومنتور
وقلبي رفرف بجناحو متل العصفور
لما قلتيلي تسلم إيدك يا جار
.........................
يا حلوة برمش عيونك صوبتيني
ودخلتي جوا بقلبي ودوبتيني
من بكرة جايي لعندك يا نور عيني
وتحكي عيوني لعيونك أجمل أسرار
............................
يا وردة ويا جورية حسنك فتان
جاي ولعيونك جايب أجمل فستان
وخلي الصبايا تعزف أجمل ألحان
وتضحك بالليل عيونك تا يصير نهار
...................................................
د . ملك محمود الأصفر
ستة حروف
...........................................
الله محيي هالكسوة حبيبتنا
يا بيت العز يا حلوة عروستنا
إسمك عنور الشمس بالدهب مكتوب
ومحفور جوا القلب يا أميرتنا
إنتي الأصالة يانبع الكرم والجود
ويا وردة حلوة مزروعة بحقلتنا
إنتي المروءة والشهامة والصمود
وفيكي الكرامة وإلك كل محبتنا
.............................
الكسوة الحبيبة إسما من ستة حروف
حرف الألف والألفة جمعتنا
وبحرف اللام لمينا حبق وورود
وبحرف الكاف كملنا مسيرتنا
وبحرف السين سمينا بإسم الله
وبحرف الواو وحدناهاكلمتنا
وبحرف التاء تعاهدنا تا نبقى جنود
وبالحب والإيمان نحميها مدينتنا
...............................
الكسوة الحبيبة وحبا بالقلب موجود
شو بحب فيها بيوت حارتنا
والنور فيها يشعشع والورود
والياسمينة عشبابيك جارتنا
وبحب فيها الليل والصبح بكير
والعصافير تغرد بي جنينتنا
تعزف نشيد الحب وترفرف تطير
ونصحى بقى من النوم نشربها قهوتنا
....................................................
بقلمي
د .ملك محمود الأصفر
بانية الحضارات
.................................
الأم أكبر مدرسة
فهي من تبني الأجيال
وهي من تبني حضارات
وتربي رجالا أبطالا
الأم منارة إشعاع
تتلألأ سحرا وجمالا
وهي من تنجب أطفالا
وتنمي عقولا وخصالا
......................
الأم ينبوع عطاء
تعطينا التحنان غلالا
في النفس تغرس أخلاقا
وتنمي شعورا وخيالا
الله ربي كرمها
فازدادت فينا إجلالا
الجنة تحت قدميها
والكل يبغيها وصالا
.....................................
د . ملك محمود الأصفر
وطني في القلب
..........................
ياوطني في القلب أنت
قنديل حب ومنار
فسنركب أمواج البحر
وسنسبح وسط التيار
وسنبعد كل عاصفة
كي يهدأ زيف الإعصار
وسنجتاز كل المحن
وسنطفأ ألسنة النار
...................
بالحب سنصنع أمجادا
ونعيد كل الإعمار
وسنرفع رايات الحق
وسنبعد كل الأشرار
وسنبني ابراج المجد
ونعلي كل الأسوار
وستبقى رايتك دوما
ترفرف وبكل فخار
...................
ياوطني يا وطن الخير
الصبح سيزهو بأنوار
وستبقى شمسك مشرقة
والليل فيك كنهار
وسنجني منك الخيرات
والأرض ستزهو بأنوار
وستبقى دوما يا وطني
لك هيبة عز ووقار
..........................................
د . ملك محمود الأصفر
رحنا عالكسوة بكير
..............................
رحنا عالكسوة بكير
وبصحبة زوارنا
وشفنا رفوف العصافير
وصبحنا عديارنا
ونهر الأعوج شو بديع
قعدنا وهوة قبالنا
وهمسنا بأحلى الهمسات
واكتبنا أشعارنا
.....................
وعجسر الكبري تمشينا
ومتعنا أنظارنا
ولقينا العالم أفواج
وشفنا كل حبابنا
ولعبنا وهيصنا كتير
وشو حليت أوقاتنا
وتصورنا جنب المي
وارتسمت بسماتنا
...................
وطلعنا عالجبل شوي
وحيينا راياتنا
وصعدنا عالقمة فوق
متل نسور بلادنا
وادعينا وناجينا الرب
تا تكبر أمجادنا
ويبقى الوطن فخر وعز
وتربى فيو اولادنا
....................
وارجعنا المسا عالبيت
حادثنا جاراتنا
واستمتعنا بأحلى ورود
وشربنا قهواتنا
واعزفنا نغمات العود
ونورنا شرفاتنا
وطل علينا نجم سهيل
مع أجمل نجماتنا
.....................................
د . ملك محمود الأصفر
الشعر فن
..................................
الشعر فن وأصالة
حكم خالصة ورسالة
فلنكتب عذب الكلمات
ننقل أفكارا ببسالة
ولنكتب عبرا خالصة
جمعت في الفكر كحصالة
ولنسرد أحلى روايات
للناس من غير إطالة
.....................
الشعر فن وشعور
وله أوزان وبحور
فلنكتب شعرا موزونا
يتغنى فيه العصفور
ولنسكب فيض مشاعرنا
كالعطر تسكبه زهور
بحروف فوق الأوراق
تتجلى إذ يبدو النور
....................
الشعر فن وجمال
فلنكتب لبني الإنسان
نكتب عن حب العائلة
نتغنى بحب الأوطان
نكتب عن أعمال الخير
كي تخلد عبر الأزمان
عن ورد وزهر حديقتنا
وفراشات في البستان
....................
نكتب عن برك يا أمي
عن حسن معاملة الجار
عن حب جميع طوائفنا
عن صحبة خير الأبرار
عن إخوتنا والأرحام
إن حلوا علينا كزوار
عن حسن معاملة الضيف
والكرم وإرضاء الباري
.......................................
د . ملك محمود الأصفر
قطعة شعريةفصحى بعنوان
فجر مشرق
.......................................
كتبت فوق الورق
بخط حبر أزرق
سطرت قولا رائعا
كنور شمس مبرق
سكبت حسي غنوة
من نبض قلب مشفق
رسمت سطرا رائعا
كفجر يوم مشرق
...............
صورت حقلا مشمسا
يزهو بعطر الحبق
وسنبلا من ذهب
في حسن غصن مورق
عزفت لحنا خالدا
في الصبح عند الفلق
كالنور حين يرتمي
يأتي بخير مغدق
..................
حلقت في أعلى سما
جاز المحيط زورقي
صنعت من غيم دمى
شممت عطر الزنبق
أرسلت حرفي قمرا
يضيء كل الطرق
وصنت نفح ودكم
كي نرتقي بالخلق
...................................
د . ملك محمود الأصفر
زجل عامي بعنوان
البنت الكسوانية
.................................
كسوتنا نبع الحنية
والعيشة فيها هنية
شبابا أجدع شباب
وبناتا الوردة الجورية
فيها من كل الأذواق
البيضا اللي عيونا عسلية
والسمرة ست النسوان
والشقرا الحلوة النقية
......................
فيها الأصالة عنوان
وزنودا صلبة وقوية
وشبابا متل الغزلان
بطلتها الحلوة البهية
وصبايا عرق الريحان
علم وأناقة وحنية
وإذا بدك زين النسوان
خود البنت الكسوانية
......................
بتحس فيك بتحمل همك
بتطبخلك أكلة شهية
وعلى طول بتعمرلك بيتك
بطريقة حلوة وفنية
بتشرف على تربية ولادك
إيدا بإيدك يومية
وحكياتا أحلى من السكر
طلتها الشمس المضوية
............................................
بقلمي
د . ملك محمود الأصفر
زجل عامي ...بعنوان ...
سوريا الحلوة
..................................
من قلبي بدي نادي
سوريا الحلوة بلادي
الجيش السوري يامغوار
شوكة بحلق الأعادي
حامي العرض وحامي الدار
صامد وبقوة وإصرار
رافع راسو بهيبة وعز
وعجبينو إكليل الغار
....................
واقف بساحات المجد
وصوتو عم بيرعد رعد
تا يرفع راية سوريا
ويحمي أرضا من كل وغد
سوريا الحلوة بلادي
وفيها ح يعيشوا ولادي
والكل بروحو بيفديها
ويحميها من كل عادي
.....................
سوريا سيفك بتار
وجيشك فوق خطوط النار
عم يحمي أرضك وحدودك
مابيقبل أبدا بالعار
ماشي وبهمة أبطال
وزنودو بتهد جبال
يقلع عوسج يزرع ورد
ومحبة لكل الأجيال
....................................
د . ملك محمود الأصفر
زجل عامي بعنوان ... الكسوة الحلوة بنت الشام ...
......................................................................
الكسوة الحلوة بنت الشام وغوطتها لجنوبية
وحليفتها بهالزمان إيدا بإيدا يومية
ورجالا كلن جدعان. ومابيهابوا المنية
فوارس وسط الميدان. رواحن للشام هدية
شامتنا ياتاج العز وانت نبض الحرية
رح تبقي جواة القلب. واسمك أحلى غنية
الكسوة يا أرض الأجداد. الكسوة البنت الوفية
رح تخلص لإما الشام. وتبقى الزهرة الندية
شامتنا حاميها الرب. زنودا صلبة وقوية
بعزيمة وهمة أبطال سوارا بتبقى محمية
ورح تبقى منصانة الشام. وعالأعادي عصية
ورح تبقى راياتا فوق. متل الشمس المضوية
.....................................................................
د . ملك محمود الأصفر
قصيدة فصحى بعنوان
الحسن و الحصن
بقلم زوجي الشاعر وليد الأصفر
............................................
لا تحجبيه فهذا الحسن فضاح
إن الأريج بعمق الواد فواح
أرخي اللثام ولا تفشي السلام ففي
وجه صبوح إشارات وإلماح
يا وردة النرجس البيضاء أنت منى
نفسي ، وقلبي إلى لقياك يرتاح
لا تضرمي النار في روحي فأنت لها
ترياق برء وإكسير وأفراح
إني بحسنك مأخوذ بلا أمل
يرجى ، فحبك للعشاق ذباح
..............................
إن التي لوعت قلبي بمبسمها
قد أخلفت وعدها والقول ضحضاح
لا بأس إني غني عن تغنجها
والنفس تسلو ورب الناس مناح
ما لي وللحب إن الحب معترك
مافيه عدل ولا ينجيك إيضاح
إن كنت تبغي رضى نفس الحبيب فلا
تبدي اعتراضا فإن الحب جراح
أو كنت تبغي حياة ملؤها فرح
مهلا ففي الدهر أحزان وأتراح
...............................
لا تخش مرا ولا شرا ولا ضررا
إن المسيئين أجساد وأرواح
لا تهمل النفس واحملها على نكد
إن كنت شهما ، فهذا الغم ينزاح
واحرص على الخير إن الكل تاركها
والباقيات مروءات وإصلاح
واكبح هوى النفس واستكمل فضائلها
فالنذل وغد كثير العض نباح
ووطن النفس إن ترجو النجاح بمن
يرضي الإله ففي الإيمان إنجاح
يا حامل الإثم هل تجديك فعلتهم
في يوم موتك إن هم كلهم ناحوا
يافاعل الخير إن الله يشكره
إن الفضيلة في الإظلام مصباح
................................
إن المشيب أمان من جهالتنا
فالسن حصن وداعي الموت ملحاح
..................................................
وليد الأصفر
قصيدة فصحى بعنوان
رحلة العمر
بقلم زوجي الشاعر وليد الأصفر
............................................
مفاوز بيد مقفرات بلاقع
تضل بها العقبان والتيه واسع
ويعلو غبار الأرض والحر صانع
سرابا كذوبا إذ تثور الزوابع
ويبدو بها القيصوم والشيح والغضا
على البعد كالأشباح و البعد خادع
ويشتد قصف الريح عصرا وتختفي
رويدا بها الآثار والدرب ضائع
وليلا عزيف الجن يطغى مرددا
هريرا لها تصطك منه المسامع
غواة تضل المرء لو مر تائها
عليها ويردي سجعها من يراجع
.................................
كذا العمر أوهام وأحلام يقظة
وتوق وحظ عاثر أو قوارع
وسير حثيث في صحارى مخيفة
بها الغول والعنقاء والسم ناقع
وكيد وحقد وافتراء وغفلة
وتزييف وجه الحق والحق ساطع
وقتل لوقت المرء في ما يعيبه
وبعد عن التفكير والجهل مانع
فيا حبذا لو ندرك الأمر باكرا
ففي البذل لافي الأخذ تشفى المواجع
وترك الأذى والشر في كل حالة
وإن لم يقم شيء عن الشر رادع
...................................
تعلقتها في الفجر إذ كنت وقتها
فتيا خلي البال والهم هاجع
وكانت تحاكي طلعة الشمس رونقا
وفي الطرف نور آسر الحسن بارع
ويا صوتها كم كان صوتا مغلفا
به بحة كالمخمل الرخص رائع
وذبنا معا في الحب والدهر مسلس
قيادا لنا والدهر في الأصل فاجع
فسرعان ما أفضى إلى البين سعيه
وأصبحت وحدي تعتريني الزعازع
ومرت سنون لست أحصي عديدها
وحالي ذهول اللب والطرف دامع
...................................
وها أنذا شيخ كبير مكبل
أوافي انتهاء العمر والشيب وازع
وإني أحب الطير يشدو ببهجة
وأهوى نسيم الليل والبدر طالع
وأهوى الجبال السمر يزري بقاؤها
بعمر بني الإنسان مهما يدافع
وأهوى خرير الماء يجري مصفقا
إلى الحقل والنظار صاد وجائع
ويبهجني الساعون صبحا لرزقهم
ولثغ بنطق الطفل والطفل راضع
وفي الحق إن الخلق لله كله
وقلبي رحيب يشمل الخلق جامع
وأعلم أني ذاهب دون عودة
فعذرا أحبائي وإني لقانع
................................................
بقلم
وليد الأصفر
ليست هناك تعليقات:
إرسال تعليق