يتوه الحال عندك بين الحشا والضلوع
ويدور عليك فكري بين لحظة وساعه
نور العين يشعل درب مشاعل وشموع
شريان القلب يرويك ويسد المجاعه
بستان الشوق والغرام لأجلك مزروع
لأجل يتوه كلك بكلي ويازين ضياعه
أطرد الخوف عنك وخيم بكل خشوع
في ظلال القلب ولاتخاف من اتساعه
لغيرك منطقة محرمة والدخول ممنوع
انت من يامر بيه ويفرض سمع وطاعه
تجول وتدلل في كل الأقنية والفروع
وعرش على القلب واقطف من زراعه
لك لحن في كل خطوة واضح ومسموع
امشي سلم العزف بكل خفة وبراعه
من يجي الليل يلب جمر الحنين ويلوع
حالي وقلبي والعين دمعها ماله مناعه
ماهو هذيان هالكلام ولاتظن مصنوع
حقيقة من القلب ولايحتمل اشاعه
نجمك في سما ليلي ضاوي بسطوع
يلمع مع كل حرف باسمك وانت يراعه
الغيرة ياخلي ضيعت يوسف والجوع
رده لأبوه من تربع بالملك زمن المجاعه
أكتب بإحساس وشعور ولاني ملسوع
نهر البوح جاري وسفيتنه انت شراعه
ياشين الغياب كنه قحط يصيب الزروع
ويازين غيمك من يهل مزنه واشباعه
حبل المودة والغلا كنه ضايع ومقطوع
يدور طريقه بكل أثر ويقيس ذراعه
رفرف طير الغرام واختارك من الجموع
حشاك وقلبك مطاره ويبتدي منك اقلاعه
بالحساب ماظنتي الحب له ناتج ومجموع
معادلة صعبة حير العالم بوزنه وصاعه
المثل قال مايعرف الكوع من البوع
إلا حكيم ومجرب وناس هايمة وملتاعه
راح أختم قصيدي ولاتظن نهاية الربوع
فصول وصفك مستمرة صورة واذاعه
@عزالدين الحميري@
ليست هناك تعليقات:
إرسال تعليق