يتعب بالي من هالصفنة والنظره
ليه مصر تتعب قلبك وانا حالك
خيم غلاك بالحشا وأصبح فطره
شريان القلب مايرويه غير زلالك
غيمك احتاجه لوكان نقطة وقطره
تهل على يابس العرق وتخيم ظلالك
يانبع شوقي وغرامي بالبوح وشطره
أصبحت مدمن وصفك وحلاك ومجالك
ياروح الروح ونبض القلب وباقي عمره
أنا نجمك وسماك ونور عيني هو هلالك
شبيه اللي بذر وزرع وأصبحت زهره
يرعاها في كل لحظة وتبان خصالك
قهوتي تشبه جمالك ولو كانت سمره
الإدمان عليها مثل شوقي لك ولوصالك
نبيذ الحنان رواي ويسكرني خمره
بكل لحظة يخيم طيفك ويهل هلالك
لاتلتف للعذول وانسى كلامه وأمره
تغنج وتدلع وافرد بساحي دلالك
الروح روحك والقلب منك جاري غمره
اضحك وخلي يبان سنك وبيض فالك
@عزالدين الحميري@
ليست هناك تعليقات:
إرسال تعليق