علي اللي خان
واللي باع
واللي كان له الف وش
مش مهم تكسر قلوب
تجرح وتكون حجتك
قدر ومكتوب
تكتب حروف متذوقه
وساعات حروف متفركه
حروف تحسها بالمقلوب
سطر تفكتر انه شعر
وشعر تفتكر انه عمر
يطلع في الاخر
مجرد سطر كان مشطوب
مية ندامه علي اللي حب
واللي كان فاكر نفسه
ضلوع مرسومه بقلب
واللي اتوهم
واللي حاول بمشاعره يترسم
قول في الاخر نصيب
قول في الاخر يارب
زيك زي اي حد
المهم الاستفاده
حب ..اكره..
مرة هزار
مرة جد
الفايده ديما في الاعاده
اخلاص ده ايه
احساس ده ليه
عيش دور انك عبيط
وانك امير مملكه العباطه
هو يعني لازم تستفيد
مع انك يا صاحبي عبيط
متستهلش حتي تتوصف
ملك الشحاته
نصيحه مني
اوعاك تعيش دور البريء
وتفتكر انك جريء
وانك ملاك
وانك خليفه الاقوياء
اهبل ياصاحبي
عبيط بجد
انتهي عصر الانبياء
احمدعبدالحق
ليست هناك تعليقات:
إرسال تعليق