قيد العدا لو ياكل عظامك
ومهما عليك تزيد الامك
لا تركع واياك تستسلم
لو عشت كل العمر متاْلم
القيد قاوم له باحلامك
=== محمود شبيب ===
عيونك صادوني بحبك
والرمش سلاح
خليني جوا قلبك
وارمي المفتاح
===
خصرك كالخيزرانه
ونظراتك نار
رقة حسنك ريحانه
وياسمين وغار
والقمر يا غويانه
بسحرك محتار
بهالعينين النعسانه
وخد التفاح
===
اول ما بعيني لمحتك
حبيتك موت
على قلبي فوتك
مثل البسكوت
احلى غنوه غنيتك
وباجمل صوت
ناديتيني ولبيتك
ست الملاح
== محمود شبيب ==
تلفنت ما ردت ما بعرف مالها
من ساعتين مسكره جوالها
واسمع كلام الحب بموالها
قصدي تا اتطمن على احوالها
وسنين عمري ايامها وليالها
واحكي لها يا مهجتي وامالها
ويا رب لا تشغل فكرها وبالها
وادعي لها بالخير والعيش الهني
==== محمود شبيب ====
الله خلقنا نعبده رب العرش
مش عن كلمة الحق نحنا ننطرش
رشوه وحرام وزور نجمع للقرش
من غير تعب وننام ع انعم فرش
وصاير هدفنا بس تعبئة الكرش
وبغير حاله الشخص ما بفكرش
وما ظل الا يا حبابي يا كرام
ناكل بعضنا مثل اسماك القرش
==== محمود شبيب ====
اووووووووووف
حبيب القلب انا مازحت مالك
زعلت والمزح ماز احتمالك
مفاتيح المحبه والحباب
على عهد الوفا ما زحت مالك
===
انا بحلمي شفت طيفك ع طور طب
الهي خالق نفاسك عطر طاب
وريقك شهد للظامي عطا رطاب
تضمد جرحك النازف ونا اشفيه
ملاك ولابسه بيض الثياب
===
دخيلك كفكفي دمعك ونشفيه
اذا شفافك ي سمره بست حق لي
انا ختيار يا حلوه ونا ايش فيه
الدهن بالعتق ما هو بالشباب
===
=== محمود شبيب ===
عليك ودين واجب بستحق لي
انا صابر ي سمره بس ت حقلي
يزهر واقطف كروم العنب
الرجال ما بينباع
ولا بينشرا بالمال
الرجال بالاخلاق
مش بالذهب والمال
الرجال موقف صدق
بتترجمه الافعال
الرجال مش بالحكي
وما هو بقيل وقال
الرجال بشخصيته
ما هو بعم وخال
بمشي بطريق الخير
وع مسلكه دلال
الرجال ثابت مبداْه
ما تغيره الاحوال
مهما عليه تكالبوا الانذال
=== محمود شبيب ===
اووووووووووف
حبيب الروح كلما بعد عني
بكل نبضه القلب بيعن عنه
ي رب الكون ع الهجران عني
م عاد القلب يتحمل عذاب
===
ي سمره بوصالك انعمينا
هواك او ببحر من العذاب
ببعدك وبجفاك انعمينا
رسينا ما عرفنا ان ع مينا
===
ي ريتني كون صابونه وليفه
دخيلك حن واعطف يا وليفي
الك بالحب شي حصه ولي فيه
وتحت الدوش اليف للحباب
=== محمود شبيب ===
اوعدتني ت تزورني شو اخرك
خليتني في كل لحظه اتذكرك
خلفت الوعد ونسيت شو اللي غيرك
يا حلو عالهجران شو اللي صبرك
وهسه اعذرني يا حبيبي بخبرك
ونسيت قلبي ال ذاب بيك وقدرك
وقديش عن هجري نهاك وحذرك
قسوة فؤادك اجبرتني اخسرك
فات الاوان وغصب عني بهجرك
ما تركت لي اي وسيله للوصال
==== محمود شبيب ====
قالوا الي بالرخص بعت الدار
ما بيعرفوا جاري علي نغص
قلتلهم لا تلوموا يا اخيار
الدار تغلى بجارها وترخص
=== محمود شبيب ===
اووووووووووووف
فيمن ناس متعلم بعل ما
بفيد الغيروما رنصح بعلمه
وفي عند ك ارض تثمر بعل ما
بحاجه لمي تا تروي التراب
===
فيمن ناس لو ينطق بكلمه
كاْنها سيق وبيجرح بكلمه
وفيمن ناس من حكيه بكل ما
بتزهق من كلامه والخطاب
===
فيمن ناس ان اوعد بخل ما
بيوفي وبالنفس عنده بخل ما
وفيهم حنظل بيخلط بخل ما
وبسقي كاس علقم من شراب
===
فيمن ناس لسيفه بسل ما
بغمده ت العدا تمضي بسلمه
وفيمن ناس متلهي بسلمى
وبنور وعايشه وليلى ورباب
=== محمود شبيب ===
قالت لي اكتب فرح انسى الحزن وارتاح
ومعها القلم والدواه يا ناس لاموني
الفلاح زرعه ن مرض ما بجمع المونه
محزون قلبي انا ومنين القى فراح
عيني عماها البكا والدمع منها طاح
سهران وحدي ونجوم الليل يبكوني
شو ثقيل ليل الهجر منك على عيوني
طول علي الفجر والبدر غاب وراح
نومي يا غالي حلم معجوق بالاشباح
===== محمود شبيب =====
وروحي بهموم واسى ع طول مسكونه
وطبفك يا عمري وقت ما زار حلمي ولاح
شفت الفرح والهنا وتبدلوا ظنوني
اهل الكرامه اتبع ناموسها
اقرا وافهم يا حبيبي دروسها
طيب ووفا وحسن الادب ملبوسها
خليك معها ولا تقف معكوسها
حافظ ع عزة نفسك ومحسوسها
خليك ماشي ع نهج قاموسها
واوعى تخلي حد يوم يدوسها
احذر طراف ثيابها لا تدوسها
بالحقد والمكر اللي مالي نفوسها
اهل الجهاله لا ينخرك سوسها
عنها ابتعد لا يلبسك كابوسها
هاي ناس عالفاضي كبيره روسها
لا يخدعك مغرورها ومنحوسها
بالكسر ادعي من قبل ما تبوسها
ولا توقع بفخ وشرك جاسوسها
ولو غصب عنك بست يد وانحنيت
==== محمود شبيب ====
ماني قادر وحياتك
اوصف بحروف
ع شفافي ضيوف
لما بتلفي بوساتك
===
عطر الجوري من خدك
يا اسمر ماني قدك
قدك مياس
رقه واحساس
واغمرني بس بيدك
سهرني ليله حدك
يا ابن الناس
اعمل معروف
===
وزودته جنان
كلك لطافه ورقه
حسنك فتان
عقلي سرقته سرقه
قلبي ملهوف
لا تزيد بقلبي الحرقه
بطول الهجران
لو بس بتمرق مرقه
===
دخلك لا تبعد عني
حبك والله جنني
غلب وتذويب
سهد واهات وعنه
ومر وتعذيب
خليك قريب
بعيوني مثل النحله
قلبي يضمك متمني
لكن مكسوف
===
غيرك ماني مستحلي
يا سيد الكل
ع زهرة فل
=== محمود شبيب ===
مر علي شي ليله
وعلي طل
من غير ما يحسوا اهلي
ولا عين تشوف
اووووووووووووف
كرام الناس تعرف من هيبتها
ما ترفض لو طلبنا منه بيتها
رياح الشؤم احذر من هبتها
ما تحمل غير اوساخ وتراب
===
فيمن ناس عاميهم جهلهم
فعيش بعيد لا تقرب جهه لهم
وفيمن ناس لا يوجد جاه لهم
ولو بتملكوا كنوز وذهب
===
بعمري ما عقت بيي ولا ام
فما بيهمني عاتب ولائم
انا لاهل الشعر عامل ولائم
لذيذه من شعر فن العتاب
=== محمود شبيب ===
مهما سكنت بيوت حلوه في الصغر
وقصور مرمر عاليه بسن الكبر
لما القصيده تكون مليانه صور
بتسوى جمال الكون عا مد النظر
بحكي لكم يا حباب قلبي المختصر
تا تقدروا قيمة زجلنا المعتبر
هذي القصيده شعرها وبيوتها
اجمل من بيوت وقصور من الحجر
==== محمود شبيب ====
يا مالكه قلبي واحساسي
امرك على عيني وعلى راسي
انت الهوا ال بتنفسه بهالكون
يا كل اهلي ودنيتي وناسي
يم العيون السود ونعاسي
من خدك الجوري بيسرق لون
حبك بقلبي بالوفا محضون
وقلبك بصده زاد وسواسي
وقلبك علي ظالم وقاسي
شو ما امر قلبك علي يمون
عمري الك يا غاليه مرهون
قلبي وفي يا بنت ما بخون
يا منيتي حبك م هو ناسي
حبي على قياسك بقى مضمون
لا تتعبيني وتخنقي نفاسي
مخلص الك بحبنا بجنون
بكفي دلع هيا اشربي كاسي
وع غير مينا مركبك راسي
وحبك بيظهر مش على قياسي
قلبي على شطك رسي من سنون
=== محمود شبيب ===
اوووووووووووووف
كل من نظم شعر العتابا عن دها
ولين بفكره للقوافي عندها
حتى يجني من الشعر اطيب جنا
اصعب مواقف ما بيوقف عندها
عتابا اللي انا ملين عندها
يا ميجنا يا ميجنا ويا ميجنا
ت ضحكت لي وعزمتني عندها
=== محمود شبيب ==
جميع الناس تتشوق ع ندها
انا لبحورها ماخر عباب
الدهر يا اخواننا امره عجيب
لبعيد بيقرب وببعد للقريب
خلي القلب عمران بالفه وطيب
وخلي حديثك حلو كطعم الزبيب
وخلي بسمتك كالندى منعش رطيب
تمسح الهم وتفرح القلب الكئيب
ولا تخاف شمس العمر لو بدها تغيب
ازرع الخير بارض معدنها خصيب
واياك تندم ع مليح بتعملو
الزرع ما بيعطي ثمر حتى يشيب
==== محمود شبيب ====
كنا فوق السطح ننام
ونسهر تحت العريشه
ساق الله هذيك الايام
شو كانت حلوه العيشه
==
كانت عيشه حلوه كثير
رغم الكد اللي بيها
كل يوم بنسرح بكير
تا نعمر نواحيها
نحرث نزرع ارض الخير
ونلقط مقاثيها
وقمح وكرسنه وشعير
ونوكل عدس وجريشه
==
نقزع صبر نلقط تين
نحط العنب بالسله
كنا فيها مبسوطين
رغم التعب والقله
نهجنا التقوى والدين
ودوما ع النبي نصلي
واليوم بعصر التمدين
البنت بتشرب شيشه
==
بموسم درس المحصول
ع البيدر مثل النزهه
نطبخ مجروشة الفول
كانت من منسف اشهى
ولما نخلص ع الاصول
الدين نسدد ما نسهى
والغله نشول ع طول
ونعبي التبن بخيشه
==كانت الميه من البير
ننشلها ونشرب منها
ابرد من الفريجيدير
المش عم نستغني عنها
خشه وعقد وبيت كبير
بشيد ونيله ندهنها
ولما كثرو الدنانير
شربنا خمر وحشيشه
==
كانت الطيبه عنوان
والالفه ما بين الناس
والكل حباب وخلان
مافي قناره ولا راس
جيران تساعد جيران
مع بعض يقيمو الاعراس
ووقت العزا والاحزان
يعزفو بنفس الريشه
== محمود شبيب ==
اووووووووووف
عتابا مجد سامي صار في لها
لاني جهد مخلص صارف لها
من افكاري رويتها صار فلها
عبيره يعطر زهور الرواب
===
عتابا كل ما شاعر نخى لها
ت تتعطف على حالو نخ لها
انا بمرج الزجل زارع نخلها
ع اهل الشعر بوزع رطب
===
عتابا اللي انا وحدي جبلها
بماء الذهب ي حبابي جابلها
من بحور الادب مهرا جاب لها
لحتى وافقت تكتب كتاب
===
عتابا ما حدا مثلي فتلها
ت هجرت للسهل سكنت في تلهل
انا بليل الشعر مشعل فتيلها
لحتى نورت دنيا الادب
=== محمود شبيب ===
الذقن مش مقياس للاْيمان
والطهر والاخلاق والعفه
في ناس ياما طويلة الاذقان
وابليس رابي من تحت لفه
=== محمود شبيب ===
اووووووووووف
ببعدك هالفكر بسرح بشت - ي
بعد ما كنت بحضينك بشتي
لعينك بالحضور وبالغياب
وشعري غزل يا حلوه بشتي
===
وما كان يلين قلبي لوما نحتي
ما كان يلين قلبك لوما نحتي
لحبي بس فرصه لو منحتي
=== محمود شبيب ===
فتح لك هالقلب مليون باب
حبيب الروح لا تبتعد اكثر
على بعدك انا فكري تبعثر
واوراقي من ايديي بضيعوا
وحبر القلم يا غالي تحجر
وكلماتي بيعصوا ما بطيعوا
وعمري عالبعد بذبل ربيعه
ومعي بليلي ما عاد البدر يسهر
==== محمود شبيب ====
يا صاح لا تمشي بكبر وجهك عبوس
اباك ريشك تنفشه مثل الطاووس
ما فيك بفلوسك على غيرك تدوس
ان فكرت انك مغتني تكبرش روس
محسوب بتظلك مع صغار النفوس
خليك متواضع رغم كل الطقوس
والناس بتعدك من كبار التيوس
مني نصيحه نافعه كلها دروس
المجد بكنوز الدني ما بينشرا
==== محمود شبيب ====
وبيت الكرامه ما بيعمر بالفلوس
كنا ي احبابي بماضي سنين
الجار ع جاره الوفي بيمون
وكانت عمايرنا جرنك وتين
والصبر حارسها على الجنبين
وباقي الاراضي كلها زيتون
واللوز والخروب والليمون
والخبز امي تخبزه بطابون
وكانت المونه مباركه يا عين
وبيوتنا الفة حجار وطين
بعز وكرامه وبوفا معجون
=== محمود شبيب ==
واليوم صاروا قلوبنا قاسيين
مثل الصخر ي حباب ما بتلين
باطون ساكن داخله باطون
حسنك من بدور السما ابهى
وثغرك حلاه من الحلا اشهى
ومن حمرة الجوري وحلا التفاح
وجنات خدك يا بنت ازهى
واذكى عطر من وردك الفواح
وشفاف منها الشهد سال وساح
النحل عم يعمل لها نزهه
عبا قفيره وبالشهد انهى
=== محمود شبيب ===
ليست هناك تعليقات:
إرسال تعليق