حسدوك ياوطنى
والحقد بان فى عينيهم
شافوا البنيات
وقصور هنا وهناك
بتلف حواليهم
ولظى جمر النار
والع فى قلوبهم
قومى يامصر
وأنا أشعل ليك
بخور وجاوى
وعين العفريت
وأرقيك من
شر حاسد
ناظر ليك
وأقول كمان
والله
لو وقفوا على
جبل عال
ومسكوا عنان السماء
مايشوفوا ذرة
تراب من
رمل أراضيك
يابلدى
ياحتة من وطنى
ياحتة من كبدى
ياحتة من موال
يتغنى بيك ولادك
على حدود الرمال
ومهما الدم سال
ومات العيال
وخربت الديار
فداك الف جندى وجندى
وتبق إنت
بلدى أغلى
من ولدى
وحتة من كبدى
وحتة من موال
أصحى وأنام
فى أمان
يحميك ياولدى
ياحامل راية السلام
ياحامى أرضى وعرضى
قوم وإبنى وعمر
وزيد فى البنيان
وخضر رمل الصحراء
وهات إيدك
فى إيدى
ونعلى البنيان
د زرع وردة
فى أرض مصر
ذى قصر فى
روضة نصر
وقول ياتاريخ
اللى بات فى أمان
فات كل
الهنا للأحفاد
حسدوك ياوطن
وكثرة الفتن
وإنت يامصر
ذى ماإنت
باقية لأخر الزمان
ومهما كثرة
سهام الغدر
شامخ ياوطن
مايهزك ريح
بقلمى عبدالمنعم عدلى
ليست هناك تعليقات:
إرسال تعليق