ياورد باهت طلته
والريحه ليه مش ماليا المكان
وصوت الناي راحت فين بحته
ومين قطع ريشة الكمان
معقولا حتى صوت الفجر
يروح منه الحنان
والخطوة ليه
مبقاش ماشي في ضلها الأمان
والكلمة اللي كانت مسموعة
ينقصها البيان
مبحوح ياصوت الضمير
مقصوف ي سن القلم
والضلمه شَقّا ليلهُ العسير
م العتمة وم الألم
والحب بقي مستحيل
واللحن بلا نغم
والقلب مهموم حزين
والحب مالوش ثمن
معقولا حالنا بقي كدا
ولا احنا آخر الزمن
والنور عايش في الضلمة
يتوارى من الظالمين
ولا عاد عارف له طريق
ولا يصاحب مين
كان له ألف صديق
الوقتي متفرقين
الأرض مفروشة عرق
ولا عرفنا خيره لمين
بقلمى / فتحى نجم المنصورة
الخميس 19/9/2019
كهارب وزينة علي كل بيت
في القرية والمدينة
وعلي شطوط الغيط
وجيشنا العظيم عقيدة ودين
ورافع سلاحة يحمي المصريين
وناسنا رازينة
ايديهم ع الخزينة
بتحمي كل وادي
رجالة في كل مينا
رجالنا في سينا عابروا الحدود
وكسروا انف الأعادي
وحلفوا لازم يعود
علمنا يرفرف ويطير الحمام
وايد ع السلاح وقلم بيجيب سلام
لا يهابوا العدو ولا يخافوا م الموت
وحلفوا ع الأرض ونادوا بأعلي صوت
الله أكبر الله أكبر الله أكبر
حى على الجهاد
اخونا المقاتل حاتم عبداللطيف
ومعاه البطل أحمد إدريس
بلدوزر في المعركة
واللي استشهد عريس
حكوا لنا عن بطولات
والجيش المصري الوطني
مانقولش زمانهم فات
دول في قلوبنا من بدرى
الواحد منهم بكتيبة جوا الميدان
والوقتي القعدة وياهم بعطر الريحان
حلق وطير يانسر فوق الأرض وسمانا
خليك خطير
واحمي البلاد من نفسنا وعدانا
لازم نحافظ عليها
مصر المحروسة دي أمانا
تصون الأرض والعرض وحبها جوانا
يا ام الهرم والنيل والسواقي
والزرع الأخضر
والمواويل في قلوبنا باقي
يا ام الضفيرة وشعرك السارح
زرعوا الأمل الولاد والنخيل طارح
والخير يعم علي بلادنا
والنبت الصالح في ولادنا
ماهي مصر أمنا وحياتنا
بقلمى /فتحى نجم المنصورة
.................................
بمناسبة قرب احتفالات مصر بالسادس من أكتوبر المجيدة تحية وتقدير لكل رجالات القوات المسلحة المصرية في حرب 1973
تحية للواء حاتم عبد اللطيف البلدوزر
واللواء سفير أحمد إدريس
سأعبر يوماً
إلي ضفاف عينيكي
وشواطيء النخيل
كي أحصنها
فمن يذهب إلي عينيكي
حتماً لن يعود
ومن أراد البقاء
فليعلم أنه مفقود
فتحي نجم المنصورة
ليست هناك تعليقات:
إرسال تعليق